Буряад Уласта Яндекс Оршуулагша сервистэ оруулхын тула буряад хэлэнэй корпус зохёогдожо байна. Үндэһэн хэлэнүүдые болон бусад этнокультурна предмедүүдые үзэлгэ дэмжэлгын “Бэлиг” гэһэн уласай түб 2025 оной эхиндэ ород хэлэнһээ буряад хэлэндэ оршуулагдаһан 100 мянганһаа дээшэ мэдүүлэлнүүдээр Яндекс хангаха түсэбтэй гэжэ Буряад Уласай засагай газарай хэблэл мэдээслэй албан мэдээсэнэ.
- “Яндекс” бүхы орфографическа дүримүүдые, лексическэ тааралдалые сахиха гэжэ оролдоно. Нэгэ сая мэдүүлэлнүүдые оруулхадамнай, тиихэдэнь буряад хэлэеэ искусственна интеллектдэ заажа болохо. Тиихэдээ хэлэмнай мүхэхэгүй болохо », - гэжэ Бэлиг түбэй захирал Баир Балданов хэлэбэ.
Оршуулагдаһан мэдүүлэлнүүдэй техническэ болбосоруулгын һүүлээр буряад хэлэн Яндекс оршуулагшын бета-версидэ бии болохо. Түсэблэлэй ёһоор, 2025 оной эсэстэ. Буряадай толгойлогшо уласай Болбосоролой болон эрдэм ухаанай яаман болон Бэлигэй түбтэ уласай гүрэнэй хэлэн болзорһоо урид мэдүүлгэ соо бии болохын тула энэ ажал түргэдүүлхэ тухай даалгаба.
Гэхэтэй хамта, Алексей Цыденов буряад хэлэн дээрэ цифровой контент гаргахын тула һуралсалай-методическа комплекснуудые хүгжөөлгын (УМК) болон болбосоролой цифровизациин таһаг Бэлигэй түбтэ байгуулхые зүбшөөһэн байна.
“Буряад хэлэнэй хэрэглэлгын дэбисхэр үргэдхэхэ, олондо дэлгэрүүлхын тула болбосоролой һалбарида шэнэ технологинуудые хэрэглэхэ, буряад хэлэн дээрэ IT бүтээлнүүдые, һуралсалай наадануудые болон программануудые зохёохо хэрэгые дэмжэхэ, эдэбхижүүлхэ хэрэгтэй”, - гэжэ Болбосоролой сайд Валерий Поздняков хэлэбэ.
