Буряадай толгойлогшо Алексей Цыденов Буряадай Болбосоролой болон эрдэм ухаанай яаманда хэдэн даабари үгэбэ. Тодорхойлбол, hургуулиин предмедүүдые буряад хэлэн дээрэ зааха руу шэлжэжэ эхилхэ.
- Буряад хэлэ түрэлхи хэлэн гээд шудалдаг һургуулинуудай эхин классуудта буряад хэлээр зааха талаар туршалга улас дотор үнгэргэхэ түсэбтэй. Байгша оной һуралсалай жэлдэ Буряад орондо 106 иимэ һургуули тоологдоно гэжэ би тэмдэглэнэб, бүхы предмедүүдээр түрэлхи хэлэн дээрэ заалга Татарстанда, Яхадта болон хэдэн тоото уласуудта бэелүүлэгдэнэ гэжэ Буряад Уласайболбосоролой болон эрдэм ухаанай сайд Валерий Поздняков Telegram канал соогоо тайлбарилба.
Тиигэхын тулада 2025 ондо тоо бодолгын, оршон тойроной, хүдэлмэриин (технологиин), хүгжэмэй, бэеын тамирай һуралсалай-методическа комплекснуудые буряад хэлэн дээрэ оршуулха түсэбтэй. Гэхэтэй хамта, эхин классуудай багшанарые бэлдэхэ.
Удаань оршуулагдаһан һуралсалай-методическа комплекснуудые хэблэхэ тухай асуудал шиидхэгдэхэ. Түсэлэй үе шатаар бэелүүлэгдэхэ үедэ болбосоролой талаар федеральна хуули ёһоной бүхы заалтань хараада абтаха, тэрэнэй ёһоор һурагшад түрэлхи хэлэн дээрээ эрдэм мэдэсэ абаха эрхэтэй.
