Залуу мэргэжэлтэдэй гэр байрын барилгын ажал августын 5-да Буряад Уласай толгойлогшо Алексей Цыденов Мухар-Шэбэрэй аймагта ажалай хэрэгээр ябахадаа шалгаба. Ородой Холбоото Уласай Юрэнхылэгшэ Владимир Путинай зүгһөө улас дотор бэелүүлэгдэжэ байһан «Хүдөө нютагуудые комплексно хүгжөөлгэ» гэһэн гүрэнэй программын хэмжээндэ Түгнэ, Мухар-Шэбэр һууринуудта 2025 ондо гэрнүүд баригдажа байна.
Барилгын бүхы гаргашань 12,7 сая түхэригтэ, тэрэ тоодо 3 саянь эбээн тэдхэгшын туһаламжа болоно. Тиигэжэ Мухар-Шэбэр һууринда ветеринарна мэргэжэлтэдтэ байшан барилгын эбээн тэдхэгшэ Буряадай малай үбшэн хинаха станци болобо, хэмжээнь 1,6 сая түхэриг болоно.
- Хоёр гэрнүүд хушалта доро ороод байна, 60% бэлэн. Ерээдүйн гэрэй эзэн Виктория Александровнатай танилсаабди, тэрэ Түгнын һургуулиин ород хэлэ ба литературын багша юм. Удангүй гэр байрын баяр болохо, - гэжэ Буряад Уласай толгойлогшо Алексей Цыденов хэлэбэ.
Түгнын багшын гэр барилгада эбээн тэдхэгшэнь Андрей Мельниченкын нэрэмжэтэ буян үйлэдэлгын жаса байгаа, мүнгэниинь мүн лэ 1,6 сая түхэриг болоно.
- Түгнэ намай татаа. Би энэ газарта дурлааб. Москвада хүдэлжэ туршааб. Теэд би Буряад орониие шэлээ һэм, эндэ үлүү танил, зохид байна. Һургуулида 9 жэл хүдэлнэб. Сэхыень хэлэхэдэ, намда гэр бариха гэжэ мэдэхэдээ, ехээр сошооб. Мэргэжэлдээ иимэ анхарал табиһандань ехэ баяртайб, - гэжэ Түгнын дунда һургуулиин ород хэлэнэй багша Виктория Ергалова хубаалдаба.
