Буряад орондо элүүрые хамгаалгын һалбарида кадрнуудай асуудал яажа шиидхэгдэнэб гэжэ уласай толгойлогшо Алексей Цыденов засагай газарай 2024 оной ажал тухай элидхэл соогоо хэлэбэ. Энэ мэдээсэлээрээ тэрэ июниин 24-дэ болохо Арадай Хуралай ээлжээтэ сесси дээрэ хэлэбэ.
Нютаг можодо эмшэдые дэмжэлгын федеральна болон региональна программанууд хүдэлнэ гэжэ Буряад Уласай толгойлогшо тэмдэглэбэ. Тэрэнэй ашаар һүүлэй 2 жэлэй туршада эмшэдэй тоо 164 хүнөөр олон болоо.
Тусхай зорилгото бэлэдхэл эршэтэйгээр ябуулагдана: 2024 ондо “Анагааха ухаанай рабфак” гэһэн анагааха ухаанай дээдэ һургуулинуудта абитуриентнүүдые зорюута бэлдэхэ түсэлэй ёһоор оюутадай гол бүридэлдэ 30 абитуриент абтажа, 30 оюутад дүүргэжэ, 29-иинь дээдэ һургуулинуудта ороһон байна. «Земскэ доктор» / «Земскэ фельдшер» гэһэн федеральна программануудаар уласай аймагуудта 2024 ондо 82 эмшэд, 26 фельдшернүүд ажалда абтажа, 6 жэлэй туршада уласай аймагуудаар 454 врачнууд болон 157 фельдшернүүд эльгээгдээ. Нэмэжэ хэлэхэдэ, «Земскэ доктор» программада хабаадагшад багахан хотонуудта (50 мянга хүрэтэр хүн зонтой) ажалда абтахадаа, 1 сая түхэригэй нэгэ удаагай түлбэри үгтэнэ. 2024 ондо 14 эмшэд иимэ түлбэридэ хүртөө.
- Федеральна түлбэри хараадаа абан, программада хабаадагшадта 2-2 сая түхэриг үгтэнэ. «Земскэ доктор» гэһэн программаар уласай аймагуудта ажалаар хангагданхай эгээл эрилтэтэй мэргэжэлэй эмшэдтэ 2022 онһоо уласай бюджедһөө нэмэлтэ 1 сая түхэриг түлэгдэхэ. Тиихэдэ тэдэндэ федеральна һанһаа 2 сая түхэриг түлэгдэнэ. 2024 ондо 17 эмшэд 3-3 сая түхэригтэ хүртөө, - гэжэ Буряад Уласай толгойлогшо мэдээсэбэ.
Тиихэдэ тэдэндэ федеральна һанһаа 2 сая түхэриг түлэгдэнэ. 2024 ондо 17 эмшэд 3-3 сая түхэриг абаһан байна. 2025 ондо тус программа үргэлжэлүүлэн бэелүүлэгдэнэ. Федеральна түлбэри хараадаа абан, программада хабаадагшад тус тустаа 2 сая түхэриг абана, тиихэдэ «Земский доктор» гэһэн программаар республикын аймагуудта ажалда абтажа байһан эгээл эрилтэтэй мэргэжэлэй эмшэдтэ уласай бюджедһээ нэмэлтэ 1 сая түхэриг түлэгдэнэ.
