Буряад Уласай Ахын аймагай Горная гол дээгүүр баригдаhан хүүргын заһабарилгын ажал түгэсэхэеэ байна. Мон -Оорлиг авто-замай 124-дэхи километртэ оршодог хүүргэ 2025 оной ноябриин эсэс болотор ашаглалгада тушаагдаха түсэбтэй.
Мүнөөдэр болотор тулгуури ханануудые дүүргэхэ, харгы хабтагайда бэлдэхэ, уһа нэбтэрүүлхэгүй, тэгшэлхэ дабхаргые хэрэглэхэ ажал дүүргэгдэбэ. Заһабарилгын бүхы гаргашань 62 сая түхэриг болоно.
-Хүүргэ Сорок тосхонһоо 10 модо газарта оршодог. Тэрэ удаан саг соо муу байдалда байгаа, тиимэһээ заһабарилха тухай шиидхэбэри шухала байгаа. Ажал хурдан урагшатай ябана, подрядчиг арга боломжоороо түргөөр дүүргэхэ гэжэ оролдоно — тойрогой ажаһуугшадай тэсэнгүй хүлеэжэ байһан зорилго», - гэжэ Буряад Уласай Толгойлогшо Алексей Цыденов тэмдэглэбэ.
Мон-Оорлиг авто-зам дээрэ бүхыдөө зургаан хүүргэ ехэ заһабарилгада хэгдээ гэжэ тэрэ мэдээсэбэ. Оhын аймагта иимэ участогуудта заһабарилга хэгдээ: 98-дахи км-тэ хоёр хүүргэ, 97, 91, 99, 102-дохи км-нүүдтэ үшөө дүрбэн хүүргэ, хуушан модон барилганууд задалагдажа, орондонь гофрированна канализацинууд, шэнэ харгын гадаргуунууд, түмэр хаалтанууд табигдаа. Энэ бүхы ажал «Ажабайдалай инфраструктура» гэһэн юрэнхылэгшын үндэһэтэнэй түсэлөөр хангагдана. Энэ ажал нёдондо эхилжэ, мүнөө жэл дүүргэгдэбэ.
