Буряад улас 2024 оноо промышленно үйлэдбэриин дээшэлэлгээр түгэсхөө. Үйлэдбэрилэлэй индекс 2023 оной хэмжээнһээ 105,4% (зэргэсүүлһэн сэнгээр) боложо, Ородой дунда зэргын - 104,6% болон Алас Дурнын федеральна тойрогой дунда зэргын - 102,7%-һээ дээшэ байна.
Уласай үйлэдбэриин эмхинүүд 272,6 млрд. түхэригэй продукци үйлэдбэрилһэн байна. Улаан-Үдын авиазаводто үйлэдбэрилэлэй хэмжээн доошолоо – 90% хүрэтэр, энэнь захилай портфельдэ олзын хэрэг эрхилэлгын хэлсээнүүдэй доошолһонһоо болоно, мүн “Улан-Үдэстальмост”-да – 95,6% хүрэтэр, түмэр хүүргын конструкцинуудай захилай доошололгоһоо боложо, “Байгалай ой модоной компанида – 48,1% хүрэтэр экспортын үнэ сэнгэй бууралга болон бусад шалтагаануудһаа болоно. Гэхэтэй хамта үйлэдбэринүүд үйлэдбэриеэ шэнэдхэхэ, үйлэдбэриин шэнэ бүтээлнүүдые бии болгохо талаар түсэлнүүдые үргэлжэлүүлнэ. Улаан-Үдын прибор бүтээлгын үйлэдбэриин нэгэдэл гэһэн АО олон янза болгохо хэмжээндэ «Пипеткэ тараагшын полимер хушуунуудые үйлэдбэрилгэ» гэһэн инвестиционно түсэл бэелүүлнэ. Тус түсэл бэелүүлэгдэжэ эхилһэн сагһаа хойшо бүхыдөө 23,56 сая түхэригэй 49,5 сая хушуунууд гаргагдаһан байна.
ООО «Аэротех Энтерпрайз» импортын һэлгэлтын хэмжээндэ «МС-21 самолёдой оёдолгүй хоолойнуудые, тройникнуудые, түлишэ системын дамжуулгын суглуулбаринуудые ээлжэлэн үйлэдбэрилхэ» гэһэн инвестиционно түсэл бэелүүлнэ. 2024 ондо бэеэ дааһан хүлеэн абагшын бүтээлнүүдые хүлеэн абаха асуудалнууд шиидхэгдэжэ, бүтээлнүүдэй түрүүшын парти дамжуулагдаа.
2024 ондо Селенгинскын целлюлозо-картон комбинат целлюлозо-картон үйлэдбэрилэлые шэнэдхэхэ талаар инвестиционно түсэл бэелүүлжэ дүүргэбэ. 2023 оной сентябрь һараһаа шэнэ түхэлэй продукци – хоёр дабхар картоной үйлэдбэрилгэ эхилэнхэй.
