Буряад Уласай Арадай Хуралай Түрүүлэгшэ Владимир Павлов Ород гүрэн дотор нооһоной наймаа хүгжөөхэ талаар албан зургаанууд хоорондын залан хүтэлэлгын штабай зүблөөндэ хабаадаба.
Ородой Холбоото Уласай Федеральна Суглаанай Федерациин Зүблэлэй Түрүүлэгшын нэгэдэхи орлогшо Андрей Яцкинай хүтэлбэри доро октябриин 16-да Буряад Уласай засагай газарай албанда үнгэрбэ. Мүн Буряад Уласай Толгойлогшо Алексей Цыденов; Ородой Холбоото Уласай үйлэдбэриин болон худалдаа наймаанай сайдай орлогшо Михаил Юрин; Ородой Холбоото Уласай хүдөө ажахын сайдай орлогшо Роман Некрасов болон хүдөө ажахын һалбариин талаар Буряад Уласай, Тыва Уласай, Дагестан Уласай, Карачаево-Черкесс Уласай, Ставрополиин болон Үбэр Байгалай хизаарай Засагай газарай түрүүлэгшын орлогшонор элидхэлнүүдые табяа.
Санкт-Петербургын уласхоорондын худалдаа наймаанай биржын юрэнхылэгшын зүбшэлэгшэ Юлия Бондарева ба түсэлэй офисэй хүтэлбэрилэгшэ, Ородой Холбоото Уласай Гаалиин албанай мониторинг-шуурхай хяналтын түбэй юрэнхы захиргаанай дарга Иван Козлов болон уласай бусад можо нютагуудай түлөөлэгшэд видеохолбоогоор хуралдаанда оролсоо.
Ерэхэ жэлэй эсэс болотор «Дорожная карта» гэһэн хэмжээ ябуулгануудые бэелүүлхэ болон дээрэ нэрлэгдэһэн зохисуулгын штабай шиидхэбэринүүд тухай хөөрэлдөөнэй гол сэдэб болоо. Буряад Улас нооһо болбосоруулга хүгжөөхэ талаар хэдэн шэглэлээр хамтын түсэлнүүдые гуримтайгаар бэелүүлхэ арга боломжо олгохо «Дорожная карта» бэелүүлгэдэ хабаадажа байһан долоон можо нютагуудай тоодо оронхой.
