Арадай Хуралда Буряад Уласта муниципальна хубилалтануудые шиидхэхэ талаар байгуулагдаһан ажалай бүлэгэй ээлжээтэ зүблөөн үнгэргэгдэбэ. Нютаг дэбисхэр хүгжөөлгын хорооной түрүүлэгшэ Юрий Ширапдоржиев «Буряад Уласта нютагай өөһэдын хүтэлбэри эмхидхэхэ тухай» гэһэн региональна хуулиин түсэл «Ниитын эрхэ мэдэлэй нэгэдэмэл гуримда нютагай өөһэдын хүтэлбэриин юрэнхы заршамууд тухай» № 33-дахи федеральна хуулиин ёһоор зохёогдоһон тухай октябриин 13-най Буряад Уласай Засагай газарай зүблөөн дээрэ баталагдаа гэжэ дуулгаа. Энэ хуулиин түсэл хуули зохёогшодой хаража үзэхэ удаадахи пленарна хуралдаанай үдэрэй заршамда мүнөө нэмэгдэбэ.
«Дурадхагдаһан хуулиин түсэл Буряад Уласта нютагай өөһэдын хүтэлбэриин нэгэ шататай гурим байгуулха, хотын аймагуудта болон муниципальна аймагуудта нютагай өөһэдын хүтэлбэри бэелүүлхые хараална», - гэжэ Юрий Ширапдоржиев тайлбарилба.
Арадай Хуралай Гүрэнэй байгуулгын, нютагай өөһэдын хүтэлбэриин, хуули сахилгын, гүрэнэй албанай талаар хорооной түрүүлэгшэ Петр Мордовской тойрогууд шэнэдхэлгэ ойлгожо, нютагай өөһэдын хүтэлбэриин нэгэ шатын загбарые дэмжэнэ гэжэ мэдээсэбэ.
Засагай газарай зохёоһон «Буряад Уласта нютагай өөһэдын хүтэлбэри эмхидхэхэ тухай» хуулиин түсэл 2025 оной ноябриин 13-да үнгэргэгдэхэ Буряад Уласай Арадай Хуралай 14-дэхи сессиин хаража үзэхэ асуудалнуудта оруулагдаба.
