Арадай Хуралай Түрүүлэгшын орлогшо Баир Гармаев дайн байлдаанай ветерануудай үдэртэ зорюулагдаһан митингдэ хабаадаба. Баяр ёһололой хэмжээ ябуулга июлиин 1-дэ Улаан-Үдэ хотын «Дайнда мордоһон үетэндэ» гэһэн хүшөөгэй дэргэдэ үнгэрбэ. Ниитын эмхи зургаануудай түлөөлэгшэд, эдэбхитэд болон ветеранууд өөһэдөө энэ уулзалгада хабаадаа гэжэ Восток-Телеинформ бэшэнэ.
Арадай Хуралай депутадай тэмдэглэһээр, агууехэ баатарнуудай дурасхаалые хүндэлхэ гээшэ илангаяа шухала, иимэ патриотическа хэмжээ ябуулганууд арад зоноо нэгэдүүлжэ, хамтын һүр һүлдэ намдуулан, эб нэгэдэлэй оршон байгуулна.
- Ветеранууд дэлхэйн халуун точконуудта 35 ондо ондоо газарта алба хэһэн байна. Нютагаархид дайлалдаһан, тоонто оронойнгоо, орон нютагайнгаа эрхэ ашаг хамгаалһан, илангаяа эдэ баатарнуудайнгаа дурасхаалые хүндэлхэ хэрэгтэй, юундэб гэхэдэ, тэдэнэр маанадые бултыемнай тоонто нютагтаа, эсэгэ орондоо дуратай байхыемнай һургадаг, эрэлхэг зоригой жэшээ болоно. Бүхы депутадуудай корпусай зүгһөө бүхы баатарнуудта баярые хүргэнэбди, хүндэлнэбди, юундэб гэхэдэ, мүнөөдэршье сэрэгшэд СВО-до манай һонирхол хамгаална, хүн бүхэндэнь элүүр энхэ, амиды мэндэ бусахыень хүсэхэ хүсэлтэйбди, - гэжэ Гармаев тэмдэглэбэ. Бүхэроссиин «Боевое братство» гэһэн ветерануудай ниитын эмхиин Буряадай таһагые даагша Николай Хлебодаровай нэмэһээр, баатарнуудай дурасхаал сахиха гээшэ тэдэндэ тогтууритай, таһаршагүй заншал болонхой, СВО-до хабаадагшадта нэмэлтэ туһаламжа эмхидхэгдээ.
