Буряад Уласай Арадай Хуралай сесси дээрэ “1928 оной январиин 1-һээ 1945 оной сентябриин 3 болотор түрэһэн эрхэтэдэй социальна дэмжэлгын хэмжээнүүд тухай” гэһэн хуулида заһалтанууд харагдаха. “Дайнай үеын үхибүүд” гэхэ мэтэ ажаһуугшадай иимэ категори тухай, 1941–1945 онуудай Эсэгэ ороноо хамгаалгын Агууехэ дайнда совет арадай Илалтын үдэртэ тэдэндэ нэгэ удаагай мүнгэн түлбэри байгуулха тухай хэлсэгдэнэ.
Дэлхэйн хоёрдохи дайнай жэлнүүдтэ бага наһаниинь тааралдаһан хүнүүд олонхинь хүндэ дайнай болон дайнай һүүлээрхи жэлнүүдтэ үншэн үлэжэ, үншэн хүүгэдэй байшангуудта үндыһэн; Мүнөөдэр федеральна хэмжээндэ “дайнай үхибүүдэй” үеын хүнүүдтэ социальна дэмжэлгын хэмжээнүүд тусгаар үгы, можо нютагууд өөһэдөө энэ асуудал шиидхэнэ. Буряад Уласта “1928 оной январиин 1-һээ 1945 оной сентябриин 3 болотор түрэһэн эрхэтэдэй социальна дэмжэлгын хэмжээнүүд тухай” гэһэн хуули бии, гүрэн дотороо түрүүшынхидэй тоодо абтаа. Тэрэнэй ёһоор, “дайнай үеын үхибүүдтэ” һара бүри 500 түхэригэй мүнгэн түлбэри, жэл бүриин индексаци хэгдэдэг. Харин олон нютагуудта мүн лэ Эсэгэ ороноо хамгаалгын Агууехэ дайнда совет арадай Илалтын һайндэртэ нэмэлтэ нэгэ удаагай түлбэри үгэнэ. Мүнөө Буряад орондо табиха тухай дурадхал оруулна.
Мүнөөдэр Буряад орондо энэ шэглэлэй 36955 хүн ажаһуудаг гэжэ тэмдэглэгдэнэ.
